Knolling literario (I): O misterio do torque de Burela, de Antía Yáñez. Realizado por Eva Miguélez González

 

Nesta nova sección denominada Knolling literario a primeira alumna en achegar o seu comentario crítico para o noso recuncho de realización youtubeira foi Eva Miguélez González, 2º ESO C, IES Lamas de Abade (Santiago de Compostela) quen nos achega un Knolling literario da novela O misterio do torque de Burela, de Antía Yáñez (col. Árbore. Galaxia, 2019).

 

Book tráiler (III): Trescatorcedezaseis, de Rocío Leira. Realizado por Lucas Noya Pereira

 

Unha nova entrega no noso recuncho de realización youtubeira, velaquí o Book tráiler da novela Trescatorcedezaseis, de Rocío Leira (col. Fóra de Xogo. Xerais, 2020). Realización youtubeira: Lucas Noya Pereira, 3º ESO B, IES Lamas de Abade (Santiago de Compostela)

 

Book tráiler (II): O corazón de Xúpiter, de Ledicia Costas. Realizado por Irene Mareque Carrillo

 

Unha nova entrega no noso recuncho de realización youtubeira, velaquí o Book tráiler da novela O corazón de Xúpiter, de Ledicia Costas (col. Fóra de Xogo. Xerais, 2012). Realización youtubeira: Irene Mareque Carrillo, 3º ESO B, IES Lamas de Abade (Santiago de Compostela)

 

Book tráiler (I): O corazón de Xúpiter, de Ledicia Costas. Realizado por Lara Vázquez Blanco

 

«Entendemos por booktrailer no contexto escolar, que é o que nos ocupa, un vídeo elaborado por estudantes de Secundaria (ou de Primaria), a partir da lectura dun libro de ficción. A finalidade da curtametraxe é convencer os iguais de que paga a pena ler o libro en cuestión. Hai implícitas, polo tanto, como quedará patente máis adiante, as ideas de lectura (e interpretación, con toda a súa ambigüidade), de elaboración conxunta (polo volume de traballo que supón) e, por último de significatividade.» ( Tradución dun fragmento do texto Booktrailers en el aula: una mirada diferente a la lectura, Joan Bustos, revistababar.com)

Neste curso 2024/2025 inauguramos a bitácora LIBROS DO ABADE. O andel de lecturas de Lingua e Literatura Galega do IES Lamas de Abade (Santiago de Compostela), onde o alumnado da ESO e do Bacharelato, de maneira voluntaria, realizará breves Book Tráilers sobre as súas lecturas para a materia. 

Nesta sección denominada Book tráilers a primeira alumna en achegar o seu comentario crítico para o noso recuncho de realización youtubeira foi Lara Vázquez Blanco, 3º ESO B, quen nos achega o Book tráiler da novela O corazón de Xúpiter, de Ledicia Costas (col. Fóra de Xogo. Xerais, 2012).