Fragmento de “Cando a luniña aparece...”, de Cantares gallegos, na voz de Raquel Sánchez Mella (43 anos)

 

Nerea Sánchez Rendo (3º ESO A) achéganos a gravación dun fragmento de “Cando a luniña aparece...”, de Cantares gallegos, na voz de súa nai Raquel Sánchez Mella (43 anos). 

IES Lamas de Abade (Santiago de Compostela) 

#_rdc_26 @aelg @CasadeRosalia

 

Cando á luniña aparece

Y ó sol nos mares s’esconde,

Todo é silencio nos campos,

Todo na ribeira dorme.

Quedan as veigas sin xente,

Sin ovelliñas os montes,

A fonte sin rosas vivas,

Os árboriños sin cantores.

Medroso ó vento que pasa

Os pinos xigantes move,

Y â voz que levanta triste,

Outra máis triste responde.

Son as campanas que tocan,

Que tocan en sons de morte,

Y ô corazón din n’olvides

Ós que para sempre dormen.